గవర్నర్ గా బండారు దత్తాత్రేయ

0
74

కేంద్ర ప్రభుత్వం ఐదు రాష్ట్రాలకు కొత్త గవర్నర్లను ఆదివారం నియమించింది. తెలంగాణ, మహారాష్ట్ర, రాజస్థాన్, కేరళ, హిమాచల్‌ప్రదేశ్‌లకు కొత్త గవర్నర్లను నియమిస్తూ ఉత్తర్వులు జారీచేసింది. ప్రస్తుతం తెలంగాణ, మహారాష్ట్ర గవర్నర్లు ఈఎస్ఎల్ నరసింహన్, సీహెచ్ విద్యాసాగరరావులను తప్పించిన కేంద్రం, ఈ ఇద్దరికీ ఎక్కడా పోస్టింగ్‌లు ఇవ్వలేదు. అలాగే, తెలంగాణకు చెందిన సీనియర్ బీజేపీ నేత, మాజీ కేంద్ర మంత్రి బండారు దత్తాత్రేయ హిమాచల్‌ప్రదేశ్ గవర్నర్‌గా నియమితులయ్యారు. ప్రస్తుతం హిమాచల్‌ప్రదేశ్ గవర్నర్‌గా ఉన్న కలరాజ్ మిశ్రాను రాజస్థాన్‌కు బదిలీ చేశారు.

మహారాష్ట్ర గవర్నర్‌గా విద్యాసాగర్‌రావు స్థానంలో భగత్‌సింగ్ కొష్యారీ, కేరళ గవర్నర్‌గా అరిఫ్ మహ్మద్ ఖాన్‌ను నియమించారు. అలాగే, తెలంగాణ గవర్నర్ నరసింహన్‌ను తప్పించి, ఆయన స్థానంలో తమిళనాడు బీజేపీ అధ్యక్షురాలు తమిళసాయి సౌందరరాజన్‌ను కేంద్రం నియమించింది.